حورية فرغلي لـ أمينة خليل: «هتلزق فيكي ليه»

أكدت الفنانة حورية فرغلي أنها لم تتوقع بأنها عندما توضح صلة القرابة التى تجمعها بالفنانة أمينة خليل أن الأخيرة ستنزعج لهذه الدرجة.

وتابعت قائلة: "أمينة خليل أمها تبقي بنت خالة أمي، ومشوفتهاش غير مرتين ومكنتش أعرف إن أنا مكنش ينفع أقول إن احنا دمنا واحد أو أنا كدة بتلزق فيكي، وهتلزق ليه، هي طالعة تقول حورية حاولت التودد إلى الكثير من فنانات جيلها لكنها شعرت بأنها غير مرغوبة فى الوسط الفني بعد الحادث التى تعرضت له".

وعلى صعيد آخر كشفت الفنانة حورية فرغلي عن عدة أسرار بحياتها الشخصية وعن تعرضها لسحر وأعمال سفلية لتعطيل زواجها والمرض.

وقالت حورية خلال لقائها مع برنامج "من الآخر" على شاشة قناة ON TV، "كنت بخس طول الوقت وعيانة ومحدش عارف عندي إيه لحد لما لقيت في عمل في البيت، ولما فتحتها لقيت فيها دم بتاعي ولقيت ورقة مكتوب عليها حورية بنت نادية تصاب بالمرض وتصبح ضريحة الفراش ويقف جوازها وخلفتها ورزقها".

وتابعت حورية فرغلي "لقيت إن عشان أفك العمل دا لازم أستعين بجن عشان دا عمل سفلي ولو عملت كدا كأني كفرت فحجيت كذا مرة ودعيت ربنا، ولسه بركب خيل لحد دلوقت، وشايفة الوسط الفني فيه حاجة غريبة مش هو اللي بدأت فيه من 13 سنة ومعرفتش أتأقلم لأن في شلل وأنا ماليش شلة وحاسة إني مش مرغوب فيا في الوسط الفني".