حورية فرغلي: نزار الفارس عرض على مُساعدي رشوة عشان يقول «مخطوبين»

أعربت الفنانة حورية فرغلي، عن أسفها الشديد، لسماحها بدخول المذيع العراقي نزار الفارس منزلها، لإجراء لقاءًا تلفزيونيًا معها.

وقالت حورية فرغلي خلال مداخلتها مع الإعلامية أميرة بدر في برنامج "ملفات" على شاشة قناة "هي": "أنا أسفة وأنا غلطانة إني دخلته بيتي وأنا معاشرتوش، وهو جاي عايز يعمل تريند، وده حتى كلم أشرف المساعد بتاعي وعرض عليه فلوس عشان يقول إننا اتخطبنا فعلا".

واستكملت حورية فرغلي حديثها: "هو بيحب حورية لدرجة الجنون يعيني يا حرام.. أقعد أحلم انك تتجوز حورية، يعني ازاي يقول اتخطبنا المفروض في فستان وأهل وورد وحضور".

وأضافت حورية فرغلي: "أول مرة في حياتي أتعرض لحاجة كدا الشغل الأول كان بيخلي عندي كذا حاجة ومشغولة، لكن دلوقتي معنديش شغل، الأسئلة كانت أوفر، وسألني عن فيلم كلمني شكرَا ومشاهدي الجريئة فيه عملتها غصب عني ولا بمزاجي".

وأكملت: "أستاذ خالد يوسف مبيخليش حد يعمل حاجة غصب عنه، وسألني عن عمري عملت عن المثلية الجنسية؟، فقولت إني أصلًا معملتش دور جنسية مثلية إلا مشهد دقيقة في فيلم كان مع الأستاذة ليلى علوي".