إلهام شاهين: الفنانة مش فستان والسوشيال ميديا شوهت صورتنا «قدام الناس»
![إلهام شاهين](https://admin.almwatenalmasry.com/img/23/10/02/130906.jpg)
أوضحت الفنانة إلهام شاهين أهمية مشروع “Digitized” لرقمنة أرشيف الفنانين بالذكاء الاصطناعي مشيرة إلى حفاظه على التراث المنسي، وسردت مواقف تدل على ضرورة هذا المشروع.
وأضافت إلهام شاهين في تصريحات صحفية: "من 2011 لحد دلوقتي في هجوم كتير على الفن والفنانين ومش عارفة ليه الناس واخدة موقف من الفنانين.
وتابعت إلهام شاهين "يمكن في تصرفات من الإعلام وهي التركيز على التوافه زي فستان الجونة اللي الناس بتقعد تمسك فيه وتقطع في الفنانين".
وأضافت: "اللي هيحصل في Digitized هو إننا هنركز على التاريخ الحقيقي المحترم للفن.. لما بنشوف ماتشات الكورة ومصر بتكسب دوري أو كاس، الناس كلها بتعرف.. لكن لما فيلم مصري يروح مهرجان كبير وياخد جايزة كبيرة مش ناس كتير بتشوف ومش بيوصل لكل الناس".
السوشيال ميديا غيرت صورتنا «قدام الناس»
وذكرت إلهام شاهين: "الفنان سفير لبلده.. الفنان مش فستان.. ومين اتخانق مع مين والحاجات التافهة اللي بقراها على السوشيال ميديا اللي غيرت صورتنا قدام الناس وخلتها مش حلوة، لازم الناس تعرف الحاجات الكويسة قوي.. فيلم واحد صفر خد 50 جايزة، دة شيء محصلش في أي مكان في العالم، هل حد يعرف حاجة عن الكلام ده؟ الصحافة تدور على حاجات خايبة، لكن الحاجات المهمة لأ".