لقاء الخميسي: أنا مسلمة بالوراثة.. وسكتّ 7 سنين على الإهانة والخيانة

الفنانة لقاء الخميسي تسببت في إثارة الجدل بعد تصريحات صادمة قالت خلالها لقاء الخميسي إنها تعتنق الديانة الإسلامية عن طريق الوراثة، ولم تُسأل عن أي ديانة تُفضل الانتماء لها، بسبب أنها ولدت وجدت والدها مسلمًا فورثت منه ديانته مثلما ورثت جنسيته.

وتابعت لقاء الخميسي في لقاء مع الإعلامي تامر شلتوت، في برنامج In Deep "في العمق"، عبر قناته الرسمية بموقع يوتيوب: "إحنا بنورث دينا، حد مبيورثش الدين من الأب، أنا مصرية بالوراثة ومسملة بالوراثة، وأخدت دين أبويا، ولم اسئل أنا عايزة أبقى إيه، هل ده لي علاقة من أني مصرية، هل دا تقليل من ديني؟! أنا واضحة بشكل كافي ومش مجبرة أقول حاجة ليها معنى تاني، إحنا واخدين دينا بالوراثة".

وأردفت لقاء الخميسي: كان ممكن اصحى من نومي الآقي أبويا مسيحي وأبقا مسيحية، أنا مخترتش الناس بتعاقبني ليه؟ لو ليا جار مسيحي أنا مبحبوش بعقابه ليه؟ هو ماله هو صحي لقى أبوه مسيحي المفروض ينتحر أو أموته مثلا؟! المسلميين والمسيحيين بالوراثة، أنا أنتيم عمري مسيحي، هل معناها أني أنا مسلم والمسيحين وحشين".

لقاء الخميسي والنقاب

وقالت لقاء الخميسي: النقاب غير مذكور في القرآن، وعمري ما قلت إنه مُبتدع، وربنا قال (وليضربن بخمرهن على جيوبهن)، هي حتة قماشة على الصدر.

أصدقاء لقاء الخميسي

وحول أصدقائها قالت لقاء الخميسي: في 3 أصحابي فقط في حياتي، عرفتهم قبل محمد عبد المنصف، هم إيهاب العدلي ده كان بيلبسني من وأنا لسة في المعهد، وجرجس مهندس ديكور وكان معايا في المعهد، وأدهم انتيمي سوري، وحاليا كل واحد مننا في حتة.

لقاء الخميسي والحضارة الأشورية

وتطرقت لقاء الخميسي، عن تصريحاتها الأخيرة التي أثارت بها جدلًا، حول الحضارة الأشورية والحضارة المصرية قائلة: الحضارة الأشورية هي الأقدم، ولم أقل إنها اهم من حضارتنا المصرية، عمري ما قلت إن الأشورية هي الأهم، ولا يعني ذلك أني أخطأت في حضارتي المصرية اللي أنا فخورة بيها، مفيش حاجة تقلل من حضارة المصريين، أنا باسبوري مصرية وقخورة بيه.

لقاء الخميسي والخيانة

وكشفت الفنانة لقاء الخميسي أنها تعرضها للخيانة، أثناء فترة ارتباطها من شخص بمرحلة دراستها بالمعهد، وأشارت إلى أنها كانت تعلم بعلاقاته النسائية الكثيرة، ولم تعترض عليها، لكن بعد علمها بخيانته تركته بشكل نهائي، ولم تخبره بسبب اختفائها.

وتابعت لقائها مع الإعلامي تامر شلتوت: "دخلت في علاقات فاشلة، واتعلمت منها إن مش كل اللي أنت عايزه هتاخده، هتاخد الراجل اللي تتكيف معاه، أنت هتحبه بعبله.. بالحاجات الكويسة وغيرها، مش هتقدر تلاقي شخص راسمه في خيالك".

لقاء الخميسي ومحمد عبد المنصف

وتابعت لقاء الخميسي: "عبد المنصف مش شبهي خالص، مفيش حاجة شبه بعض فيها غير إننا إحنا الاتنين طيبين، حبيت وأنا في المعهد مكنش حب جواز أو ارتباط، اتعرضت للخيانة مرة واحدة في حياتي، هو كان شخص بيخون على طول، وكنت عارفة إنه عارف بنات كتير، لما خاني مشيت ومقولتلوش السبب، مبمشيش وأنا مريحاك، ومبردش على تليفونات نهائي، بتعامل بالبلوك".

واستطردت الخميسي: على مدار حياتي متخانتش من أصدقاء كتير، لأني باخد بالي بصاحب مين، فيه ناس ضربت من تحت الحزام، بس مش مهمين في حياتي، وفي ناس مهمة خانتني، وزعلت وقعدت في البيت وعانيت، لكن تعاملت معاهم بالبلوك ومردتش على إهانتهم، لإني عارفة إني من جوايا كبيرة وميصحش أرد.

وأضافت الخميسي: "سكتّ 7 سنين على الإهانة، متئذنيش في مشاعري، في ناس لفت من ورايا عشان تاخد أدواري في بعض الأعمال الفنية، بس دلوقتي بقيت بسامح، بتعامل إنه مش من نصيبي، إحنا جايين الدنيا علشان نتعلم، طول ما بغلط بتعلم".