لقاء الخميسي: «اتخانت مرة واحدة وعبدالمنصف مش شبهي»
تحدث الفنانة لقاء الخميسي عن تفاصيل تعرضها للخيانة، وذلك خلال فترة ارتباطها بشخص ما في مرحلة دراستها بالمعهد.
وقالت لقاء الخميسي إنها كانت تعرف بعلاقاته النسائية الكثيرة، ولكنها لم تعترض عليها، وبعد علمها بخيانته لها تركته نهائيًا، ولم تخبره سبب ابتعادها.
وتابعت الفنانة لقاء الخميسي خلال لقاء لها مع الإعلامي تامر شلتوت في برنامج في العمق: "دخلت في علاقات فاشلة، واتعلمت منها إن مش كل اللي أنت عايزه هتاخده، هتاخد اللي تتكيف معاه، أنت هتحبه بعبله، بالحاجات الكويسة وغيرها، مش هتقدر تلاقي شخص راسمه في خيالك".
وأضافت: "عبد المنصف مش شبهي خالص، مفيش حاجة شبه بعض فيها غير إننا إحنا الاتنين طيبين، حبيت وأنا في المعهد مكنش حب جواز أو ارتباط، اتعرضت للخيانة مرة واحدة في حياتي، هو كان شخص بيخون على طول، وكنت عارفة إنه عارف بنات كتير، لما خاني مشيت ومقولتلوش السبب، مبمشيش وأنا مريحاك، ومبردش على تليفونات نهائي، بتعامل بالبلوك".
واستكملت الخميسي: "فيه ناس لفت من ورايا علشان تاخد أدواري في بعض الأعمال الفنية، بس دلوقتي بقيت بسامح، بتعامل إنه مش من نصيبي، إحنا جايين الدنيا علشان نتعلم، طول ما بغلط بتعلم".
