أحمد صلاح حسني: «لازم نتحد ونوصل صوتنا ونساند الشعب الفلسطيني»
دعم الفنان أحمد صلاح حسني الشعب الفلسطيني، وأعلن تضامنه معهم، وذلك من خلال حسابه الشخصي بموقع التواصل الاجتماعي فيس بوك.
وشارك أحمد صلاح حسني متابعيه بمقطع فيديو له على صفحته الشخصية، وقال فيه: "أنا بعزي الشعب الفلسطيني لفقدانة أطفال وأمهات وشباب ورجالة اللي بيحصل صعب يستحمله اي حد وللأسف احنا بقينا بنشوف بعنينا، وكان زمان كان بيتقال في مشاكل وحروب، ولكن النهاردة التغطيات بتاعت الشوشيال ميديا والفيديوهات اللي بنشوفها لايف دخلت كل بيوتنا واحنا كمصريين بنتأثر جدا بكل اللي حوالينا".
وتابع: "أنا بحاول اتكلم من قلبي على قد ما أقدر ونفسي أعمال حاجة ومش عارف هي ايه ومش عارف ممكن أوصل صوتي للناس فيحصل فرق أكيد مش لوحدي أكيد أنا وكل زملائي، وكل الناس اللي ممكن تأثر في قرارات ممكن تتاخد في الفترة اللي جاية الشعب الفلسطيني من حقة يبقى في أرضة ويعيش في بلده وفي أمان وكل اللي بيحصل عكس ده تماما".
وأضاف: "بحاول بصوتي أكون وسيلة صغيرة بس مش هتبقا صغيرة لو كلنا اتكلمنا وساندنا فلسطين وأنا عن نفسي مع فلسطين وهفضل مع فلسطين لحد مايخدو أرضهم تاني بأذن الله اتمني يكون في موقف مننا كمصريين وعرب في الحالة اللي احنا فيها دي وربنا يكرمهم وينصرهم بإذن الله".
