ماذا قالت الملكة رانيا في ليلة حناء ولي العهد الأردني؟
انطلقت اليوم فعاليات الاحتفالات الملكية بزواج ولي العهد الأردني الأمير الحسين بن عبدالله على الآنسة رجوة آل سيف، المقرر فى الأول من يونيو المقبل، بمشاركة عدد من أميرات العائلة الملكية، ومايقارب 600 سيدة أردنية.
وضمن فعاليات زفاف ولي العهد الأردني، أقامت الملكة رانيا العبدالله، مساء أمس الاثنين، حفلة حناء، ضمن تقاليد الأفراح الأردنية ممزوجة بالتراث العربى والحجازى وزغاريد شعبية أصيلة.
وتم إجراء رسم بالحناء وزفة العروس وأغاني وأهازيج تراثية وشعبية أردنية وسعودية، والتي شارك في أدائها الفنانة نداء شرارة والفنانة زين عوض والفنانة ديانا كرزون.
فعاليات الاحتفالات الملكية بزواج ولي العهد الأردني
أخيراً صار عندي كِنة!
وفي كلمتها خلال حفل الحناء قبل زفاف ولي العهد الأردني قالت الملكة رانيا :"وأخيراً صار عندي كِنة! بس مش أي كِنة ما شاء الله عليها رجوة يعني ما بعرف في أحلى أو ألذ منها العروس؟ جد غلاوتها من غلاوة إيمان وسلمى”
وتابعت الملكة رانيا في حديثها خلال الحفل :" بتذكر من أكمن شهر لمّا خبرنا ولي العهد حسين سيدنا وأنا أنه نوى يتزوج قديش كانت فرحتنا، رجوة هي أحلى رجاء مني لرب العالمين لحسين".
بحلم أشوفه عريس
ووجهت الملكة رانيا كلمة للحضور وقالت، "أهلاً وسهلاً فيكم، مبسوطة أنكم هون حتى تشاركونا فرحتنا. يعني الحمدلله اليوم كثير عزيز علينا، ولعيلتنا الكبيرة بقول: إن ما وسعتكم بيوتنا بتوسعكم قلوبنا والفرحة وحدة. حسين ابنكم وانتوا أهله وهذا عرسكم. حسين هو فرحتي الأولى، ابني البكر... وزي أي أم أنا من زمان بحلم أشوفه عريس والحمدلله اليوم بلشنا احتفالاتنا بعرسه، وإن شاء الله الله يتمم على خير".
الملكة رانيا العبدالله ورجوة آل سيف
كما وجهت الملكة رانيا كلمة لخطيبة ولي العهد للآنسة رجوة "إن شاء الله يا رب الله يسعدكم ويوفقكم ويخليكم لبعض، وإن شاء الله دايماً بتكونوا سند وفرحة بعض".
أما والدة العروس ، فقالت لها الملكة رانيا "أم فيصل، احنا عنا بنقول دايماً بتعرفوا البنت من أمها وأنا بحكيلكم الأم جوهرة، "عزة" أنا بعرف أنا كنت محلك قبل شهرين وبعرف شعورك ... بس بدي اطمنك إنه رجوة بعيونا وبعيون حسين وهي بين أهلها وناسها، فاطمئني عليها".
وتابعت الملكة :"بتعرفوا احنا كأمهات، ايش بدنا من الدنيا غير أنه نشوف أولادنا مبسوطين ومرتاحين. ويمكن احنا مرات بنراجع حالنا ونسأل هل احنا عملنا كل اللي بنقدر عليه؟ وأنا، سيدنا المغفور له الملك الحسين الله يرحمه، قبل ما يتوفى لما كان بالمستشفى وعرفنا انه تعبان، أنا وعدته وعد، قلتله حسين رح يتربى زي ما أنت بدك".
واختتمت كلمتها لولى العهد الأردني في الحفل: "فاليوم بطلع على حسين، بشوف قدامي شاب جندي شجاع واثق من نفسه قوي، بشوف كيف يعني كوالده، بشوف كيف أسلوبه، أسلوب تعامله مع عروسته ومع عرسه، كيف حابب أنه هذا العرس يكون بمشاركة أردنية مش بس بالاحتفالات، لكن بالتحضيرات كمان".
