أحمد فهيم عن دوره في «جعفر العمدة»: «عوضني عن كل اللي فات»

أبدى الفنان أحمد فهيم سعادته بالمشاركة في دور «سيد العمدة» ضمن أحداث مسلسل «جعفر العمدة»، معتبرًا أن الإشادات التي سمعها عن الدور عوضته عما فاته قائلًا: "دوري عوضني عن كل اللي فات، وراضي جدا على ما هو فات وما هو قادم والحمد الله على كل حاجة حلوة ربنا ادهانى وراضي عليها".

وأضاف أحمد فهيم - خلال حواره مع الإعلامي رامي رضوان عبر برنامجه "مساء دي إم سي" المذاع على قناة "دي إم سي": "الراحل الفنان خالد صالح نصحني إن معملش دور كبير إلا لما أكون متمكن من أدواتي، ومطلعش برنامج أو حوار صحفي مكنش حد عارفنى".

واستكمل: "الخطوات اللى جاية هيكون فيه حساب كبير ومش هضغط على نفسي عشان أنا فنان وبحب الفن ومعنديش مشكلة إن أنا أعمل دور صغير وعاوز أعمل شخصيات كتيرة وأطلع الحاجات اللى جوايا".

وتابع: "اشتغلت حاجات كتيرة جدا قبل التمثيل ومنها حلواني وبأخد دورات تمثيل وهدفى الحمد لله تحقق".