إلهام شاهين: «صعب أكسب الجميع.. فالرسل وربنا فيه ناس مأمنتش بيهم»

حرصت الفنانة إلهام شاهين على توجيه رسالة لمهاجمي بوستر مسلسلها ألفريدو، وأيضًا لكل من هاجمهوها، إذ قالت: هما ميلشيات إلكترونية نشيطة وأنا عارفاهم من طريقة الكتابة وحفاظهم وحافظة طريقتهم".

وتابعت: "وبدأو يشتموا احتياطي قبل مايشوفوا ويقلك ست كبيرة وهتحب شاب صغير حتى لو ده حقيقي ليه بتحكموا قبل ماتشوفوا، أنا عارفة إن الهجوم ده عشان إلهام شاهين مش عشان المسلسل وده متوقع، لإن رأيي لايتغير ومش بخاف من حد، وأنا صادقة ومش بعرف أجامل ولا أنافق حتى جمهوري عشان أكسبه، صعب تكسب كل الناس، الرسل وربنا سبحانه وتعالى فيه ناس لم تؤمن بهم تعمل كده أنت إزاي".

وأضافت: "أنا مش قصدي أستفز الناس أنا ست صادقة جدًا، أنا بغيرعلى ثلاث حاجات على الفن وبلدي وديني، لأن الآراء المتشددة مسيئة له، وبغير على بلدي واللي يقرب منها باكله".

واستكملت: "مش عاوزاكم تحبوني لكن احترموا فني يامتدنين أوي، مش السيدة خديجة تزوجت الرسول وكانت أكبر منه بعمر 15 سنة ؟ ولا أنتوا معترضين على الرسول، ومجربتش إني اتجوز حد أصغر مني، ولكن جايز ليه لأ".