«الضنا غالي قوي والشر لن ينتهي».. السيسي يوجه رسالة للمصريين في عيد الشرطة

أهدت والدة الشهيد النقيب عمر القاضي، الذي استشهد في هجوم إرهابي على كمين بأول أيام عيد الفطر عام 2019، «قلادة» ابنها الشهيد، للرئيس عبدالفتاح السيسي، خلال الاحتفال بالذكرى الـ73 لعيد الشرطة.

وقال الرئيس السيسي لوالدة الشهيد: «أنا بشكرك باسمي وباسم كل المصريين، وبشكرك إنك اديتيني حاجة جميلة من ريحة عمر، صدقيني أنا هحتفظ بيها بكل حب وتقدير»، داعيًا المولى عز وجل أن يتقبل الشهيد في عباده الصالحين.

وأوضح الرئيس السيسي: «أنا ماجبتش حق حد انتوا اللي جبتوا، أنا ما حفظتش انتوا اللي حافظتوا، وقبلنا كلنا رب العباد، ولكن أنا ما حفظتش»، مُضيفًا: «كل نقطة دم حافظت، كل روح حافظت، كل إنسان قدم نفسه هو اللي حافظ، هي دي الحقيقة، وأنا لما بقول كده علشان كل الناس في مصر تعرف، والكلام ده إحنا بنكرره في كل مناسبة إن أحنا مش هننسى أبدًا ومش لازم ننسى أبدًا كل بيت قدم شهيدا أو مصابا، مش هننساه وبنشكره وكل الدعم له».

وأضاف الرئيس السيسي: «وقبل ده كله مصر مش هتنساه لأن طول ما مصر عايشة بالطريقة اللي إحنا فيها وبالأمان والسلام اللي إحنا موجودين فيه، ده عبارة عن عرفان كل يوم بيتقدم لكل أسرة شهيد لأن الثمن هذا غالي، الثمن اللي اتقدم علشان مصر تبقى في أمان وسلام كان ثمن ولادنا المصريين، وبالتالي الثمن اللي إحنا بنقدمه إننا نحافظ على الأمن والسلام اللي تحقق بفضل الله».

وواصل: «بشكر كل الناس في مصر اللي قدموا وضحوا، وزي ما اتقال دلوقتي في أوبريت إن الشر ما انتهاش والشر ما بينتهيش وطول ما هي الدنيا موجودة فيها شر، لكن فيه ناس بفضل الله قاعدة بتحمي وتحافظ، أيوة بيبقى فيه ثمن، وثمن صعب، وممكن يكون مؤلم وقاسي خاصة على الأسر، ولكن في النهاية هذا الثمن هو ثمن اسقرار وحياة 106 ملايين، و9 ملايين ضيف، أي حوالي 120 مليون».

وتابع الرئيس السيسي: «بقول للمصريين الضنا غالي قوي، ولكن شوفوا الأم قدمت الضنا إزاي وبتقول إيه دلوقتي وهى واقفة قدامنا، شوفوا ده وما تنسهوش وحافظوا على بلادكم».

وفي نهاية كلمته، قبّل الرئيس عبدالفتاح السيسي جبهة والدة الشهيد عمر القاضي، وكرّم أسر الشهداء الذين تصدوا لمحاولات العدو الغاشم في شهر أكتوبر من العام 1973.