أحمد السقا: عايز أوثق اليوم اللي إتجوزت فيه وبقى عندي 3 شباب ظهر وسند
قال النجم أحمد السقا إن الكثير من مشاهد حياته بعيدا عن أعماله الفنية تستحق التوثيق
وأضاف خلال حواره مع الإعلامية إنجي علي في برنامج "أسرار النجوم" المذاع عبر نجوم إف إم: "حياتي كلها عايز أوثقها، أنا إتجوزت وأنا عندي 23 سنة، عايز أوثق اليوم اللي إتجوزت فيه وبقى عندي 3 شباب ظهر وسند".
وتابع: "أنا وأمهم والثلاثة إحنا 5 عيال في البيت، مش أب وأم وأولادهم".
تحدث أحمد السقا خلال اللقاء عن الشائعة التي تتردد بين الحين والآخر عن انفصاله عن زوجته الإعلامية مها الصغير قائلا: "أنا متجوز مطلقتش الحمد لله، ولو لا قدر الله حصل وربنا ما يجيب حاجة وحشه أبدا، لو حصل حاجة العالم كله هيعرف".
وتابع أحمد السقا: "الموضوع دا مش جديد الموضوع دا بيتقال عليا من 19 نوفمبر 1999 من يوم جوازي، وطبيعي أي اتنين متجوزين بيمروا بمشاكل، والحمد لله إنهم بيعملوا كده بعد لما ربنا هداني أنا كنت زمان بنزل وأسيب دماغي في درج".
