محمد فؤاد: فين أيام زمان لما الست كانت تروح تنقي العروسة لجوزها؟
حل الفنان محمد فؤاد، ضيفا ببرنامج "كلام الناس"، الذي تقدمه الإعلامية ياسمين عز، عبر قناة "إم بي سي مصر".
وتحدث محمد فؤاد عن عادة قديمة متعلقة بالزواج، قائلا: "كان زمان الست تروح تنقي العروسة لجوزها، وهي لازم توافق عليها، هل ده ممكن يرجع تاني؟"، لترد عليه ياسمين عز: "ياريت يرجع".
وتحدث محمد فؤاد عن أغنية "وأنا ميال"، قائلا: "أغنية وأنا ميال كانت أغنيتي وبتاعتي وعمرو دياب خدها مني غناها، وطلعت التنازل من عندي علشان عمرو ينزل الألبوم".
وأضاف: "نصيب عمرو دياب أنها تنجح معاه وتكسر الدنيا، ولو كنت أعرف والله ما كنت اديتهاله لو كان عيط قدامي".
وتابع: عمرو دياب سمع عن الأغنية من المحلن ونفذ الأغنية بدون ما يأخذ باله أنها بتاعتي، وتفاجئوا بعد كده أنها أغنيتي، وبعد ما نفذوا الأغنية جم ليا قالوا لي إحنا واقعين في أزمة، وأديتهم التنازل".
