«خرج متكلبش من مكتبه».. سقوط نائب وزير التموين المتسبب في أزمة السكر
وجه الإعلامي أحمد موسى، التحية للدكتور مصطفى مدبولي رئيس الحكومة المصرية، على اجتماعه يوم الخميس الماضي مع الأجهزة الرقابية لأجل ضبط الفساد والمتلاعبين بالأسعار ومحتكري السلع.
وتابع خلال تقديم برنامج على مسئوليتي، المذاع على قناة صدى البلد، أن خروج مستشار وزير التموين متكلبش من مكتبه بالوزارة يؤكد أن الدولة صاحية ومتسيبش حد يرتكب جريمة أو مخالفة دون القبض عليه.
وأردف الإعلامي أحمد موسى: كل التحية لرجال الرقابة الإدارية، لأنه جهاز قوي جدا وقبل كده تم ضبط قضية ودخلوا على مستشار وزير التموين المكتب من غير ما يعرف أو يتوقع.
وواصل: عمرنا ما عشنا وشوفنا السكر اللي كان بـ 75 قرش وجنيه وتلاتة يصل مش عارف كام، في دولة تنتج 95 % من استهلاكها، يبقى هنا في خلل ويتم مواجهته زي ما عملت الرقابة الإدارية في قضيتين كبيرتين.
وأكد أنه تم القبض على من دفع رشاوى أو تلقى الرشاوى، والأرقام كبيرة، معلقا: معرفش أيه اللي يدفع حد في منصب ياخد أو يدفع رشوة، يقبلها إزاي على نفسه وبيته وأولاده.
ولفت الإعلامي أحمد موسى، أن من يدفع رشوة جنيه يكسب وراه مليون جنيه، ومن حصل على الرشوة يكسب حرام ولا يخسر شيئا لو التاني كسب.
محدش هينفع حد
وأردف: في يوم حساب هتكون كل المناصب مش موجودة ومحدش هينفع حد فيه، ولازم كل واحد يراعي ربنا ويوم الحساب، ولا يعنيك رضا أو زعل حد، ما يعنيك هو قدرتك على تحمل المسئولية.
وأكد أن شبكة الفساد تضم مستشار وزير التموين للرقابة والتوزيع وبعض مسئولي الشركات الخاصة، مضيفا أن المتهمون فى شبكة فساد بوزارة التموين حصلوا وقدموا رشاوي للتلاعب فى أسعار السلع وحجب المواد التموينية عن المواطنين.
900 طن سكر
وأوضح أن نيابة أمن الدولة العليا تفتح تحقيقا مع شبكة الفساد بوزارة التموين وتواجههم بالتسجيلات، موضحا أن الرقابة الإدارية تصادر 900 طن سكر ضبطت فى أحد مصانع التعبئة.
واختتم الإعلامي أحمد موسى، أن النيابة العامة تأمر بطرح 590 طن من السكر و54 طن من الزيت و18 طن من الأرز بالسعر الرسمي للمواطنين بعد ضبطهم.
وأردف، مفيش حد في الدولة فوق القانون، ورئيس الجمهورية أكد الأمر أكثر من مرة سابقا، وكل من يخطأ يتحاسب، مضيفا: اللي بيخبي السلع دورك جاي، واللي بيرفع الأسعار ويحتكر السلع دورك جاي.
