غادة عبدالرازق: «اتجوزت في سن صغير علشان أخرج من البيت»

حلت الفنانة غادة عبد الرازق مع ابنتها وحفيدتها ضيوف على الإعلامية منى الشاذلي في برنامج معكم المذاع عبر قناة ON، وتحدثت غادة خلال اللقاء عن تفاصيل حياتها الشخصية.

وقال غادة عبدالرازق عن زواجها في سن صغير: "مكنتش مضطرة أتزوج أنا كانت نفسي أخرج، كنت بشوف يسرية أختي مخطوبة وبتخرج، وأنا كنت هموت عايزة أخرج".

وتابعت: "أبويا مات وأنا عندي 12 سنة وكان قافل عليا، وماما كانت قافله عليا، وأختي كانت بتخرج وهي مخطوبة وأنا كنت هموت وأخرج بره البيت، فـ نص الحكاية كانت حب والنص التاني علشان اخرج بره البيت".

وأضافت: "الزواج في سن صغير كان بالنسبالي وسيلة للتحرر وكان زواج صالونات، بابا روتانا كان مع يسرية اختي في الجامعة وكانوا شله مع بعض ورحت عيد ميلاد مع اختي هو شافني اتكلم معايا وعجبته واتجوزنا".