ميدو عادل بعد صفع لقاء سويدان له: «كنت هاكلها علقة موت والناس مسكوني»
علق الفنان ميدو عادل على أزمته مع الفنانة لقاء سويدان التي حدثت بينهما بعد العرض الأخير لمسرحية سيد درويش.
وقال ميدو عادل: "أنا ما بردش على حد خالص، ومش هقعد اتكلم عنها دلوقتي، أنا موقف الدنيا وعلى عهدي مع الناس لحين ما نقعد نشوف إيه هيحصل، عشان في تحقيق كبير وشهود عليها كتير جدًا، جايبة رجالتها اللي بيقعدوا ينزلوا أخبار والحاجات الغريبة، فمهما أكدب أو أرد هيبقى أنا رايح في حتة تانية".
وتابع ميدو عادل في تصريحات تلفزيونية له عن الواقعة قائلًا: "هي المشاكل من قبل ما نسافر إسكندرية المرة دي، وكل الناس اللي حوالينا اللي هما شهود العيان كانوا بيقولولي هي هتموت وتستفزك، كل يوم لمدة 30 ليلة، 15 في القاهرة، و15 في إسكندرية، كل يوم بتحاول تخلق مشكلة، وهما يقولولي أهدى".
وأضاف: "وأنا فعلا سبحان الله يعني اللي مهديني عليها، لغاية ما عملت الحركة دي وأنا كنت لسه هقوم اكلها علقة موت الناس مسكوني، وقعدوا يقولولي ربنا بيحبك إن أنت عملت كدا عشان متوقعش في الغلط وتعرف تجيب حقك، وحق ناس كتير أوي بقوا وراك".
